"Lester" Grem Potterni bosh murabbiy qilib tayinlash borasida muzokaralar olib bormoqda.
The Telegraph nashrining yozishicha, Potter "Chelsi"ga o‘tib ketgan Enso Mareska o‘rniga asosiy nomzod hisoblanadi. Qayd etilishicha, klub o‘tgan yili Brendan Rojersni ishdan bo‘shatganidan keyin Potterni taklif qilish imkoniyatini ko‘rib chiqqan.
Ayni damda Potter o‘yin va jamoa tarkibi murabbiyga ma’qul kelganiga qaramay, "Lester"ning taklifini qabul qilish-qilmaslikka shubha qilmoqda. Uning tayinlanishidagi muammo bir qator o‘yinchilarni sotish zarurati bilan bog‘liq noaniqlik va moliyaviy qoidabuzarliklar uchun ballarni olib tashlash bo‘lishi mumkin.
Potterning so‘nggi klubi "Chelsi" bo‘lib, u yerda 2022 yilning sentyabridan 2023 yilning apreligacha ishlagan.
