"Bavariya" sport direktori Kristof Froynd "Shtutgart"dan yaponiyalik himoyachi Xiroki Itoni sotib olgani haqida fikr bildirdi.

"Ito "Shtutgart"dagi ishonchlilikning timsoli edi. U doimiy ravishda eng yuqori saviyada o‘ynadi, bu esa bir qancha yirik klublarning e’tiborini tortdi. Ishonchimiz komilki, u hali yuqori salohiyatga ega", - dedi Froynd myunxenliklar rasmiy saytiga.

13 iyun kuni 25 yoshli Ito "Bavariya" bilan 2028 yilgacha mo‘ljallangan shartnoma imzolagani ma’lum bo‘ldi. 2023/24 yilgi mavsumda yaponiyalik futbolchi Germaniya chempionatining 26 o‘yinida maydonga tushib, ikkita golli uzatmani amalga oshirgan.