"Бавария" спорт директори Кристоф Фройнд "Штутгарт"дан япониялик ҳимоячи Хироки Итони сотиб олгани ҳақида фикр билдирди.
"Ито "Штутгарт"даги ишончлиликнинг тимсоли эди. У доимий равишда энг юқори савияда ўйнади, бу эса бир қанча йирик клубларнинг эътиборини тортди. Ишончимиз комилки, у ҳали юқори салоҳиятга эга", - деди Фройнд мюнхенликлар расмий сайтига.
13 июнь куни 25 ёшли Ито "Бавария" билан 2028 йилгача мўлжалланган шартнома имзолагани маълум бўлди. 2023/24 йилги мавсумда япониялик футболчи Германия чемпионатининг 26 ўйинида майдонга тушиб, иккита голли узатмани амалга оширган.
