«Jenoa» darvozaboni Jozep Martines «Inter»ga o‘tishga yaqin turibdi.

«Neradzurrilar» allaqachon futbolchi bilan 2029 yilgacha mo‘ljallangan shartnoma shartlarini kelishib olishgan. Ular yaqin kunlarda «Jenoa» bilan kelishuvga erishishni kutishmoqda.

«Jenoa» 26 yoshli ispaniyalik uchun 18 million yevro olmoqchi, «Inter» esa hozirda 13+2 million yevro bonus taklif qilmoqda. Kelishuvga milanlik futbolchilardan birining kiritilishi mumkinligi haqida gap bor.

Martines «Barselona» tarbiyalanuvchisi, «Las-Palmas» va «RB Leypsig»da o‘ynagan. U «Jenoa»da 2022 yilning yozidan buyon o‘ynamoqda. Joriy mavsumda u 36 ta o‘yin o‘tkazdi, shulardan 8 tasida darvozasi daxlsizligini saqlab qoldi va 43 ta gol o‘tkazib yubordi.