«Женоа» дарвозабони Жозеп Мартинес «Интер»га ўтишга яқин турибди.
«Нерадзуррилар» аллақачон футболчи билан 2029 йилгача мўлжалланган шартнома шартларини келишиб олишган. Улар яқин кунларда «Женоа» билан келишувга эришишни кутишмоқда.
«Женоа» 26 ёшли испаниялик учун 18 миллион евро олмоқчи, «Интер» эса ҳозирда 13+2 миллион евро бонус таклиф қилмоқда. Келишувга миланлик футболчилардан бирининг киритилиши мумкинлиги ҳақида гап бор.
Мартинес «Барселона» тарбияланувчиси, «Лас-Пальмас» ва «РБ Лейпциг»да ўйнаган. У «Женоа»да 2022 йилнинг ёзидан буён ўйнамоқда. Жорий мавсумда у 36 та ўйин ўтказди, шулардан 8 тасида дарвозаси дахлсизлигини сақлаб қолди ва 43 та гол ўтказиб юборди.
