"Manchester Siti" himoyachisi Joau Kanseluning "Barselona"ga to‘liq transferi bu yozda amalga oshirilmasligi mumkin.

The Sun xabariga ko‘ra, "shaharliklar" moliyaviy talablarini 40 dan 29 million yevroga tushirganiga qaramay, Kataloniya klubi 30 yoshli portugaliyalikning transferini amalga oshira olmaydi.

Qayd etilishicha, tomonlar ayni damda Kanseluni yana bir mavsumga ijaraga olish va keyinchalik sotib olish variantini muhokama qilishmoqda.

Kanselu 2023/24 yilgi mavsumni ijara asosida "Barselona"da o‘tkazgan. Bu vaqt ichida u 42 ta o‘yin o‘tkazib, 4 ta gol urdi va 5 ta golli uzatmani amalga oshirdi.