"Манчестер Сити" ҳимоячиси Жоау Канселунинг "Барселона"га тўлиқ трансфери бу ёзда амалга оширилмаслиги мумкин.
The Sun хабарига кўра, "шаҳарликлар" молиявий талабларини 40 дан 29 миллион еврога туширганига қарамай, Каталония клуби 30 ёшли португалияликнинг трансферини амалга ошира олмайди.
Қайд этилишича, томонлар айни дамда Канселуни яна бир мавсумга ижарага олиш ва кейинчалик сотиб олиш вариантини муҳокама қилишмоқда.
Канселу 2023/24 йилги мавсумни ижара асосида "Барселона"да ўтказган. Бу вақт ичида у 42 та ўйин ўтказиб, 4 та гол урди ва 5 та голли узатмани амалга оширди.
