FFF rahbari Fransiya terma jamoasi sardorlariga mamlakatda muddatidan oldin saylovlar o‘tkazilishi haqida gapirdi.
Fransiyadagi Yevroparlament saylovlarida Marin Le Penning Milliy miting partiyasi birinchi o‘rinni egalladi.
Shundan so‘ng mamlakat prezidenti Emmanul Makron Milliy assambleyani tarqatib yubordi va muddatidan oldin saylovlar o‘tkazilishini e’lon qildi.
RMC Sport xabariga ko‘ra, Markus Tyuramning Le Pen partiyasiga qarshi ovoz berishga chaqirig‘idan so‘ng Fransiya futbol federasiyasi rahbari Filipp Diallo “tushunmovchiliklar” oldini olish uchun terma jamoa sardori Kilian Mbappe va vise-sardor Antuan Grizmann bilan telefon orqali FFF pozisiyasini muhokama qilgan.
Avvalroq FFF Fransiyada bo‘lib o‘tadigan saylovlar haqida bayonot e’lon qilgan edi. Unda federasiya har bir futbolchining o‘z fikrini “shaxsiy e’tiqodi va his-tuyg‘ulariga ko‘ra” erkin ifoda etish huquqini tan olgan holda betaraflikni saqlash majburiyatini ko‘rsatdi.
Diallo bilan suhbatdan so‘ng, bugungi matbuot anjumanida Mbappe shu mavzuda gapirdi: “Men ekstremal va bo‘linishlarga qarshiman va odamlarni birlashtiruvchi g‘oyalar tarafdoriman. Vaziyat misli ko‘rilmagan, bizning avlodimiz unga ta’sir o‘tkazishga qodir.
Radikallar hokimiyat yoqasida. Biz o‘zimizni shu mamlakat, qadriyatlarimiz: bag‘rikenglik, xilma-xillik va hurmat bilan tanishtirishimiz kerak”, – dedi Diallo.
