Kuni kecha o‘yinda Mbappe jarohat olib maydonni tark etdi. Ilk ma’lumotlarga ko‘ra futbolchining burni singan. Muxlislarni Kilianning qachon maydonga qaytishi qiziqtirmoqda.

Futbolchi burni singanda jarohatning og‘ir-engillik darajasiga qarab reabilitasiya jarayoni o‘rtacha 1-3 oy vaqtni oladi. Og‘ir hollarda 6 oygacha cho‘zilishi mumkin. Chunki gap faqat burun suyagining sinishi yoki uning bitishi haqida emas, balki holat ortidan bosh miyaga yetkazilgan jarohat darajasi va uni to‘liq tuzalish davri ham inobatga olinishidadir.

Kilianga to‘xtalsak. Hozirgi ma’lumotlarga tayanib aytish mumkin-ki, agarda Mbappe operasiya stoliga yotadigan bo‘lsa u uchun Yevropa chempionati tugaydi va muxlislar suyuklisini o‘rtacha 2 oydan keyin maydonda ko‘rishlari mumkin bo‘ladi. Agarda jarohat operasiya talab qilmasa ham Kilian uchun Yevropa chempionati so‘roq ostida qolaveradi. Muxlislarga taskin sifatida eng yaxshi taxminlarga tayansak ham futbolchi finalga yaqin o‘yinlardagina (agarda jamoasi yetib borsa) yangi imidjda – himoya niqobida maydonga tushishi mumkin bo‘ladi.