Fransiya terma jamoasi hujumchisi Kilian Mbappe burni singaniga qaramay, Niderlandiyaga qarshi bo‘lajak o‘yinda ishtirok etishi mumkin.
Avstriya bilan o‘yindagi noxush voqeadan so‘ng, 25 yoshli forvard keyingi o‘yinni o‘tkazib yuborish xavfi bor edi, ammo Fransiya OAVlari xabar qilganidek, vaziyat noaniqligicha qolmoqda. L'Equipe xabariga ko‘ra, Mbappening Niderlandiyaga qarshi guruh bosqichining 2-tur o‘yinida hozircha ishtirok etishini inkor etib bo‘lmaydi. Hammasi futbolchining ertangi mashg‘ulotni qanday o‘tkazishiga bog‘liq bo‘ladi.
Niderlandiya va Fransiya o‘rtasidagi o‘yin juma kuni bo‘lib o‘tadi. Birinchi turdan keyin har ikki jamoa hisobida uch ochko bor.
