Франция терма жамоаси ҳужумчиси Килиан Мбаппе бурни синганига қарамай, Нидерландияга қарши бўлажак ўйинда иштирок этиши мумкин.
Австрия билан ўйиндаги нохуш воқеадан сўнг, 25 ёшли форвард кейинги ўйинни ўтказиб юбориш хавфи бор эди, аммо Франция ОАВлари хабар қилганидек, вазият ноаниқлигича қолмоқда. L'Equipe хабарига кўра, Мбаппенинг Нидерландияга қарши гуруҳ босқичининг 2-тур ўйинида ҳозирча иштирок этишини инкор этиб бўлмайди. Ҳаммаси футболчининг эртанги машғулотни қандай ўтказишига боғлиқ бўлади.
Нидерландия ва Франция ўртасидаги ўйин жума куни бўлиб ўтади. Биринчи турдан кейин ҳар икки жамоа ҳисобида уч очко бор.
