Italiyalik futbol afsonasi Roberto Badjo dahshatli vaziyatni boshidan kechirdi.

“Oltin to‘p” sovrindori (1993-yil) oilasi bilan Visensada dam olayotgan va Ispaniya va Italiya terma jamoalari o‘rtasidagi o‘yinni tomosha qilayotganida, to‘satdan uyga qaroqchilar bostirib kirishdi.

Corriere del Vento nashriga ko‘ra, Badjoning boshiga to‘pponcha bilan urishgan. Natijada sobiq futbolchi peshonasidan jarohat olgan.

Badjolar oilasi a’zolari xonaga qamab qo‘yilgan. Qaroqchilar Badjoning uyidan pul, soat va taqinchoqlarni olib ketishgan.

Kamida besh nafar jinoyatchi bor edi, ularning barchasi qurollangan va professional tarzda harakat qilgan. Qaroqchilar binoni tark etgach, Badjo polisiyani chaqirgan. Tergov boshlandi.