Италиялик футбол афсонаси Роберто Баджо даҳшатли вазиятни бошидан кечирди.
“Олтин тўп” совриндори (1993-йил) оиласи билан Висенсада дам олаётган ва Испания ва Италия терма жамоалари ўртасидаги ўйинни томоша қилаётганида, тўсатдан уйга қароқчилар бостириб киришди.
Corriere del Vento нашрига кўра, Баджонинг бошига тўппонча билан уришган. Натижада собиқ футболчи пешонасидан жароҳат олган.
Баджолар оиласи аъзолари хонага қамаб қўйилган. Қароқчилар Баджонинг уйидан пул, соат ва тақинчоқларни олиб кетишган.
Камида беш нафар жиноятчи бор эди, уларнинг барчаси қуролланган ва профессионал тарзда ҳаракат қилган. Қароқчилар бинони тарк этгач, Баджо полицияни чақирган. Тергов бошланди.
