Albaniya hujumchisi Mirlind Daku futbol bo‘yicha Yevropa chempionati guruh bosqichining 2-turida Xorvatiya terma jamoasiga qarshi o‘yindan so‘ng (2:2) makedoniyaliklarni haqoratlagani uchun ko‘p o‘yinga diskvalifikaciya qilinishi mumkin. Bu haqda AS xabar bermoqda.
Avvalroq Shimoliy Makedoniya futbol federasiyasi Dakuni haqoratomuz qo‘shiqlar uchun jazolashga chaqirgan, shuningdek, albaniyalik futbolchidan yetkazgan zararni tan olib, o‘z xatti-harakati uchun omma oldida uzr so‘rashini talab qilgandi.
Eslatib o‘tamiz, keyinroq Daku bu shov-shuvli vaziyat haqida bayonot berib, kimnidir ranjitganini his qilganini aytdi.
Shu bois forvard kelasi dushanba kuni bo‘lib o‘tadigan guruhning 3-tur uchrashuvida Ispaniya terma jamoasiga qarshi maydonga tushmaydi.
