Албания ҳужумчиси Мирлинд Даку футбол бўйича Европа чемпионати гуруҳ босқичининг 2-турида Хорватия терма жамоасига қарши ўйиндан сўнг (2:2) македонияликларни ҳақоратлагани учун кўп ўйинга дисквалификаcия қилиниши мумкин. Бу ҳақда AS хабар бермоқда.
Аввалроқ Шимолий Македония футбол федерацияси Дакуни ҳақоратомуз қўшиқлар учун жазолашга чақирган, шунингдек, албаниялик футболчидан етказган зарарни тан олиб, ўз хатти-ҳаракати учун омма олдида узр сўрашини талаб қилганди.
Эслатиб ўтамиз, кейинроқ Даку бу шов-шувли вазият ҳақида баёнот бериб, кимнидир ранжитганини ҳис қилганини айтди.
Шу боис форвард келаси душанба куни бўлиб ўтадиган гуруҳнинг 3-тур учрашувида Испания терма жамоасига қарши майдонга тушмайди.
