"Bavariya" o‘z safiga hujumkor yarim himoyachi Xavi Simonsni qo‘shib olmoqchi. Sky Germany jurnalisti Florian Plettenbergning ijtimoiy tarmoqlarda xabar berishicha, myunxenliklar 21 yoshli niderlandiyalik uchun mazmunli muzokaralar olib bormoqda.
Manbaga ko‘ra, muzokaralar Xavi Simonsni 60-70 million yevrodan ko‘proq summaga majburiy sotib olish sharti bilan ijaraga olish haqida ketmoqda. "Bavariya" sport direktori Maks Eberl transferni amalga oshirishni juda xohlaydi.
Shu bilan birga, muzokaralar nafaqat “Bavariya” va “PSJ”, balki PSV va “RB Leypsig”ga ham ta’sir qilgani uchun juda murakkab kechayotgani ta’kidlangan. Xavi Simons 2023/2024 yilgi mavsumda "buqalar" safida ijara asosida o‘ynagan.
