Superliganing 12-turidan o‘rin olgan «Bunyodkor» – «Olimpik» (1:1) uchrashuvidan so‘ng mezbonlar murabbiyi Ilyos Zeytullayev fikrlarini bildirdi.

- Nima ham deyish mumkin. Xudo biz bilan birga bo‘lsa, kim qarshilik qila oladi? Yigitlar oxirgi daqiqagacha kurashishdi, hattoki g‘alaba qozonishimiz mumkin edi. Futbolchilarim kurashuvchanlik hislatlarini ko‘rsatishdi. «Olimpik»dan olingan bir ochko ham oltinga teng.

Yigitlar maydonning har bir qismida juda zich o‘ynashdi. Bu ko‘proq futbolchilarning mehnati samarasi, albatta bizda barcha bir-biriga ko‘maklashadi, ammo bugun ko‘proq o‘yinchilar xarakter ko‘rsatishdi. Agar maydonda futbolchilar soni teng bo‘lganida boshqacha o‘yin guvohiga aylanardik.