"Feyenoord" va Slovakiya terma jamoasi himoyachisi David Gansko "Atletiko Madrid" futbolchisiga aylanishi mumkin, deb xabar bermoqda Marca internet nashri.
Manbaga ko‘ra, ispan klubi Slovakiya terma jamoasining Germaniyada bo‘lib o‘tayotgan Yevropa chempionatidan ketishini kutmoqda.
"Matraschilar" bu futbolchining transferi bo‘yicha muzokaralarni tezlashtirishiga umid qilmoqda. Ular o‘yinchini mavsumoldi boshlanishidan oldin qo‘lga kiritishmoqchi. Shuningdek, Ganskoning Yevro-2024 2-turida Ukrainaga qarshi o‘yindan so‘ng mushaklarida muammo paydo bo‘lishi va transfer jarayoni bundan ham tezroq kechishi mumkinligi aytilmoqda.
