"Фейеноорд" ва Словакия терма жамоаси ҳимоячиси Давид Ганцко "Атлетико Мадрид" футболчисига айланиши мумкин, деб хабар бермоқда Marca интернет нашри.

Манбага кўра, испан клуби Словакия терма жамоасининг Германияда бўлиб ўтаётган Европа чемпионатидан кетишини кутмоқда.

"Матрасчилар" бу футболчининг трансфери бўйича музокараларни тезлаштиришига умид қилмоқда. Улар ўйинчини мавсумолди бошланишидан олдин қўлга киритишмоқчи. Шунингдек, Ганцконинг Евро-2024 2-турида Украинага қарши ўйиндан сўнг мушакларида муаммо пайдо бўлиши ва трансфер жараёни бундан ҳам тезроқ кечиши мумкинлиги айтилмоқда.