«Inter» Hoqon Chalxano‘g‘lining harakatlaridan norozi.

"La Gazette Dello Sport" nashrining ta’kidlashicha, «Inter» rahbariyati yarim himoyachi «Bavariya» bilan aloqada bo‘lganidan g‘azablangan. Futbolchining agenti Myunxen klubi vakillari bilan kamida ikki marta uchrashgan va milanliklar bu tasodif emasligiga ishonch bildirmoqda.

Milanliklar rahbariyati turkiyalik futbolchini juda katta taklif tushsagina sotishga tayyor bo‘lishadi. Agar «Bavariya» «Inter»ga murojaat qilsa, 70 million yevro so‘raydi – bu muzokaralar uchun boshlanish nuqtasi bo‘ladi.

Bir oy oldin myunxenliklar milanliklardan Chalxano‘g‘li borasida rad javobi olgani haqida ma’lumot avvalroq xabar berilgandi.