«Интер» Ҳоқон Чалханўғлининг ҳаракатларидан норози.
"La Gazette Dello Sport" нашрининг таъкидлашича, «Интер» раҳбарияти ярим ҳимоячи «Бавария» билан алоқада бўлганидан ғазабланган. Футболчининг агенти Мюнхен клуби вакиллари билан камида икки марта учрашган ва миланликлар бу тасодиф эмаслигига ишонч билдирмоқда.
Миланликлар раҳбарияти туркиялик футболчини жуда катта таклиф тушсагина сотишга тайёр бўлишади. Агар «Бавария» «Интер»га мурожаат қилса, 70 миллион евро сўрайди – бу музокаралар учун бошланиш нуқтаси бўлади.
Бир ой олдин мюнхенликлар миланликлардан Чалханўғли борасида рад жавоби олгани ҳақида маълумот аввалроқ хабар берилганди.
