"PSJ" hujumkor yarim himoyachi Xavi Simonsni kimga almashtirishni rejalashtirayotgani ma’lum bo‘ldi.
Avvalroq 21 yoshli futbolchi Parijda qolishni rejalashtirmayotgani haqida xabar berilgandi.
PSG Report xabariga ko‘ra, Simons ketgan taqdirda "PSJ"ning asosiy transfer maqsadi "Renn" vingeri Dezire Due bo‘ladi. Biroq manbaning qayd etishicha, 19 yoshli fransiyalik futbolchiga ko‘plab klublar da’vogarlik qilmoqda, shu bois parijliklarga uni qo‘lga kiritish oson bo‘lmaydi.
O‘tgan mavsumda Due barcha turnirlarda 43 ta o‘yinda maydonga tushib, 4 ta gol urdi va 6 ta golli uzatmani amalga oshirdi.
