Jonatan Taning "Bayer"dan "Bavariya"ga o‘tishi mumkinligi haqida ma’lumotlar paydo bo‘lishda davom etmoqda. Bild o‘z sahifalarida yozganidek, myunxenliklar Ta uchun 20 million yevrodan kamroq summadagi birinchi taklifni bildirgan.
Biroq, bu taklif rad etildi. Qayd etilishicha, "Bayer" 28 yoshli Tani taxminan 40 million yevroga baholagan. Qolaversa, "dorichilar" Bundesligadagi bevosita raqibini kuchaytirishni istashmayapti.
Aytish joizki, Jonatan Ta Germaniya terma jamoasining Yevropa chempionatidagi ikki asosiy markaziy himoyachisidan biri hisoblanadi. U Antonio Ryudiger bilan birgalikda harakat qiladi.