Жонатан Танинг "Байер"дан "Бавария"га ўтиши мумкинлиги ҳақида маълумотлар пайдо бўлишда давом этмоқда. Bild ўз саҳифаларида ёзганидек, мюнхенликлар Та учун 20 миллион евродан камроқ суммадаги биринчи таклифни билдирган.
Бироқ, бу таклиф рад этилди. Қайд этилишича, "Байер" 28 ёшли Тани тахминан 40 миллион еврога баҳолаган. Қолаверса, "доричилар" Бундеслигадаги бевосита рақибини кучайтиришни исташмаяпти.
Айтиш жоизки, Жонатан Та Германия терма жамоасининг Европа чемпионатидаги икки асосий марказий ҳимоячисидан бири ҳисобланади. У Антонио Рюдигер билан биргаликда ҳаракат қилади.
