Dunyo tennis malikalari Top-10`taligida o‘zgarish kuzatilmadi. Tennischilar o‘tgan haftadagi o‘rinlarini saqlab qolishdi. Birmingem turniri chempioni Yuliya Putinseva (Qozog‘iston) Top-35`ga qaytdi. Berlin turniri vise-chempioni Anna Kalinskaya Top-20`da debyut qildi. Polshalik Iga Svyontek hamon juda katta farq bilan reyting karvonboshisi bo‘lib turibdi.  

Yangilangan reytingda uch tennischimizdan ikki nafari ko‘tarildi. Milana Maslenkova ham, Sevil Yuldasheva ham 3 pog‘ona yuqorilashdi. Ularning har ikkisi ham reytingda 1373-o‘rinni egallab turibdi. Mamlakatimizning birinchi raketkasi Nigina Abduraimova esa aksincha, 1 pog‘onaga pastlab, 292-o‘ringa joylashgan. 

WTA reytingi. 24 iyun kungi holat:

1. (1) Iga Svyontek (Polsha) - 11695 ochko

2. (2) Koko Goff (AQSH) - 8128

3. (3) Arina Sobolenko (Belarus) - 7841

4. (4) Yelena Ribakina (Qozog‘iston) - 6026

5. (5) Jessika Pegula (AQSH) - 5025

6. (6) Marketa Vondroushova (Chexiya) - 4463

7. (7) Jasmine Paolini (Italiya) - 4068

8. (8) Chjen Sinven (Xitoy) - 4055

9. (9) Mariya Sakkari (Gresiya) - 3805

10. (10) Ons Jaber (Tunis) - 3801...