Avstriya o‘z tarixida birinchi marta guruhda 1-o‘rin bilan Yevro pley-off bosqichiga yo‘llanma oldi.

Avstriya terma jamoasi Yevro-2024 3-tur uchrashuvida Niderlandiyani mag‘lub etdi (3:2). Avvalroq Avstriya Polshani mag‘lub etgan (3:1), Fransiyaga (0:1) imkoniyatni boy bergandi.

Avstriya terma jamoasi “D” guruhida 6 ochko bilan g‘olib chiqdi va Yevropa chempionatining 1/8 finaliga yo‘l oldi. Avstriyaliklar o‘z tarixlarida ilk bor Yevro guruhida g‘olib chiqishdi.

Eslatib o‘tamiz, 1978 yilgi jahon chempionatida Avstriya terma jamoasi Braziliya, Ispaniya va Shvesiyani ortda qoldirib, guruhda g‘olib chiqqandi.