Turkiya terma jamoasi bosh murabbiyi Vinchenso Montella Yevropa chempionati 1/8 finaliga chiqqanidan so‘ng o‘z his-tuyg‘ulari bilan o‘rtoqlashdi.
"Turkiya uzoq vaqtdan beri yirik turnirlarda guruhdan chiqa olmadi, shuning uchun biz juda xursandmiz. Bugungi o‘yinda yuzaga kelgan qiyinchiliklarni bartaraf etishga muvaffaq bo‘ldik. Endi biz g‘alabadan zavq olmoqchimiz, ammo ertangi kundan e’tiborimizni keyingi o‘yinga qaratamiz, tarix yaratishda davom etmoqchimiz.
Oldinda tiklanish uchun olti kun bor. Avstriya juda qiyin guruhda birinchi o‘rinni egalladi. Bu tezkor, chaqqon jamoa bo‘lib, katta hayratga loyiq", - dedi Montella o‘yindan keyingi intervyusida.
