Туркия терма жамоаси бош мураббийи Винченцо Монтелла Европа чемпионати 1/8 финалига чиққанидан сўнг ўз ҳис-туйғулари билан ўртоқлашди.
"Туркия узоқ вақтдан бери йирик турнирларда гуруҳдан чиқа олмади, шунинг учун биз жуда хурсандмиз. Бугунги ўйинда юзага келган қийинчиликларни бартараф этишга муваффақ бўлдик. Энди биз ғалабадан завқ олмоқчимиз, аммо эртанги кундан эътиборимизни кейинги ўйинга қаратамиз, тарих яратишда давом этмоқчимиз.
Олдинда тикланиш учун олти кун бор. Австрия жуда қийин гуруҳда биринчи ўринни эгаллади. Бу тезкор, чаққон жамоа бўлиб, катта ҳайратга лойиқ", - деди Монтелла ўйиндан кейинги интервюсида.
