Portugaliya Portugaliya terma jamoasi va "Manchester Yunayted"ning o‘ng qanot himoyachisi Diogo Dalot Gruziya terma jamoasi bilan o‘yindagi (0:2) muvaffaqiyatsizlik sabablari haqida o‘z fikri bilan o‘rtoqlashdi.
"Biz haddan tashqari shoshib qoldik, to‘pni imkon qadar tezroq maydonning uchinchi qismiga yetkazishga harakat qildik, shuning uchun noto‘g‘ri qarorlar qabul qildik. O‘tkazib yuborilgan ikkinchi gol esa shok bo‘ldi.
Agar to‘psiz o‘ynaganimizda muvozanatni topa olmasak, qarshi hujumlardan aziyat chekishimizni bilardik, shu tariqa Gruziya birinchi golini urdi. Biz sodir bo‘lgan voqeadan saboq olib, to‘plangan tajribani keyingi o‘yinda qo‘llashimiz kerak", - deya Dalot so‘zlarini keltiradi UEFA rasmiy sayti.
