Bugun Sport vaziri Adkham Ikramov Qirg‘iz Respublikasi Madaniyat, axborot, sport va yoshlar siyosati vaziri Altinbek Maksutov bilan uchrashdi.
Uchrashuvda Qirg‘iz Respublikasining O‘zbekistondagi favqulodda va muxtor elchisi Musa Jamanbayev hamda Sport vaziri o‘rinbosari Shahrullo Mahmudov ham ishtirok etishdi.
Mehmonlarga davlatimiz rahbari tomonidan sport sohasida amalga oshirilayotgan islohotlar, xususan, aholi o‘rtasida sportni ommalashtirish bo‘yicha erishilayotgan yutuqlar haqida ma’lumot berildi.
Qirg‘iz Respublikasi Madaniyat, axborot, sport va yoshlar siyosati vaziri Altinbek Maksutov ikki mamlakat o‘rtasida sport sohasida hamkorlikni yanada rivojlantirish muhimligini ta’kidladi
Uchrashuvda ikki davlat yoshlari, xususan maktab o‘quvchilari, oliygohlar talabalari o‘rtasida o‘zaro sport musobaqalarini tashkil etish masalalari yuzasidan yo‘l xaritasini ishlab chiqishga kelishib olindi.
