Бугун Спорт вазири Адкҳам Икрамов Қирғиз Республикаси Маданият, ахборот, спорт ва ёшлар сиёсати вазири Алтинбек Максутов билан учрашди.
Учрашувда Қирғиз Республикасининг Ўзбекистондаги фавқулодда ва мухтор элчиси Муса Жаманбаев ҳамда Спорт вазири ўринбосари Шаҳрулло Маҳмудов ҳам иштирок этишди.
Меҳмонларга давлатимиз раҳбари томонидан спорт соҳасида амалга оширилаётган ислоҳотлар, хусусан, аҳоли ўртасида спортни оммалаштириш бўйича эришилаётган ютуқлар ҳақида маълумот берилди.
Қирғиз Республикаси Маданият, ахборот, спорт ва ёшлар сиёсати вазири Алтинбек Максутов икки мамлакат ўртасида спорт соҳасида ҳамкорликни янада ривожлантириш муҳимлигини таъкидлади
Учрашувда икки давлат ёшлари, хусусан мактаб ўқувчилари, олийгоҳлар талабалари ўртасида ўзаро спорт мусобақаларини ташкил этиш масалалари юзасидан йўл харитасини ишлаб чиқишга келишиб олинди.
