4 avgust kuni AQSHning Nyu-Jersi shtatida o‘rtoqlik maqomidagi "El-klasiko" bo‘lib o‘tadi. O‘zingiz taxmin qilganingizdek, "Barselona" va "Real Madrid" o‘sha kuni o‘zaro to‘qnash kelishadi. "Barselona"ning rasmiy ijtimoiy tarmog‘i o‘yin payshanba oqshomida bo‘lib o‘tishi haqida xabar berdi. Uchrashuv joyi "MetLife Stadium" bo‘ladi. Arena sig‘imi 82 mingdan ortiq tomoshabinga mo‘ljallangan.
Eslatib o‘tamiz, Ispaniya Primerasining so‘nggi mavsumi madridliklarning g‘alabasi bilan yakunlangan edi. “Qaymoqranglilar” 95 ochko jamg‘ardi. "Blaugrana" ikkinchi o‘rinni egalladi, Kataloniya klubi 85 ochkoga ega va "Real"dan o‘n ochko ortda qoldi.
