4 август куни АҚШнинг Нью-Жерси штатида ўртоқлик мақомидаги "Эл-класико" бўлиб ўтади. Ўзингиз тахмин қилганингиздек, "Барселона" ва "Реал Мадрид" ўша куни ўзаро тўқнаш келишади. "Барселона"нинг расмий ижтимоий тармоғи ўйин пайшанба оқшомида бўлиб ўтиши ҳақида хабар берди. Учрашув жойи "MetLife Stadium" бўлади. Арена сиғими 82 мингдан ортиқ томошабинга мўлжалланган.
Эслатиб ўтамиз, Испания Примерасининг сўнгги мавсуми мадридликларнинг ғалабаси билан якунланган эди. “Қаймоқранглилар” 95 очко жамғарди. "Блауграна" иккинчи ўринни эгаллади, Каталония клуби 85 очкога эга ва "Реал"дан ўн очко ортда қолди.
