Rossiyaning birinchi raketkasi Dariya Kasatkina Angliyaning Istborn shahrida o‘tkazilgan WTA-500 turnirida g‘olib chiqdi va bu yilgi birinchi kubokni qo‘lga kiritdi.
Reytingda 14-o‘rinni egallab turgan Kasatkina finalda kanadalik Leyla Fernandesni (30-o‘rin) 6:3, 6:4 hisobida mag‘lub etdi. Uchrashuv deyarli ikki soat davom etdi.
Rossiyalik bu yil to‘rtinchi bor finalda o‘ynadi - u avval Adelaida (Avstraliya), Abu-Dabi va Charleston (AQSH) shaharlarida hal qiluvchi o‘yinlar kortiga chiqdi, biroq ularning barchasida mag‘lub bo‘ldi.
O‘tgan yili Istbornda Kasatkina finalda amerikalik Medison Keysga yutqazib qo‘ygandi.
Avvalroq Kasatkina 2022-yil avgust oyida Kanadaning Granbi shahrida bo‘lib o‘tgan turnirda WTA chempioni bo‘lgan edi.
Umuman olganda, Kasatkina endi yakkalik bahslarida yettita WTA sovriniga ega.
U bugungi g‘alaba uchun 142 ming dollar mukofot puli oladi.
