«Manchester Yunayted» yozgi transferlar vaqtida o‘z tarkibini kuchaytirish ustida ishlamoqda. Germaniyaning "Sky Sport" nashri xabariga ko‘ra, «qizil iblislar» «Bavariya» himoyachisi Matteys de Ligt bo‘yicha muzokaralarni boshlab yuborgan.
Manbaning ta’kidlashicha, «Manchester Yunayted» so‘nggi kunlarda De Ligt haqida juda ko‘p ma’lumot to‘plagan. Agar tegishli taklif tushsa, «Bavariya» 24 yoshli niderlandiyalik futbolchini sotishi mumkin. Matteysning o‘zi «Old Trafford»ga o‘tishga tayyor.
Avvalroq matbuotda «Bavariya» de Ligt uchun 70 million yevro olmoqchiligi haqida ma’lumot paydo bo‘lgandi, ammo «Manchester Yunayted» buncha pul to‘lashga tayyor emas.
