Argentina terma jamoasi faxriysi Anxel di Mariya futbol bo‘yicha Yevropa chempionati bilan parallel ravishda o‘tkazilayotgan Amerika kubogi uning terma jamoadagi so‘nggisi bo‘lishini aniq aytdi.
"Terma jamoadagi so‘nggi o‘yinlarning har bir daqiqasidan zavq olaman. Ba’zida o‘zimni g‘amgin his qilaman, ba’zida o‘zimni baxtli his qilaman, lekin qaror qabul qilindi.
Men o‘tmishga nazar tashlamasligimni va qarorlarimni o‘zgartirmasligimni ko‘p marta aytganman. Bu turnir mening terma jamoadagi so‘nggi o‘yinim bo‘ladi", - deya di Mariyaning so‘zlarini keltiradi Ispaniyaning Marca nashri.
