Аргентина терма жамоаси фахрийси Анхель ди Мария футбол бўйича Европа чемпионати билан параллел равишда ўтказилаётган Америка кубоги унинг терма жамоадаги сўнггиси бўлишини аниқ айтди.
"Терма жамоадаги сўнгги ўйинларнинг ҳар бир дақиқасидан завқ оламан. Баъзида ўзимни ғамгин ҳис қиламан, баъзида ўзимни бахтли ҳис қиламан, лекин қарор қабул қилинди.
Мен ўтмишга назар ташламаслигимни ва қарорларимни ўзгартирмаслигимни кўп марта айтганман. Бу турнир менинг терма жамоадаги сўнгги ўйиним бўлади", - дея ди Мариянинг сўзларини келтиради Испаниянинг Marca нашри.
