Germaniya terma jamoasi futbolchisi Yozua Kimmix Yevro-2024 chorak finalida Ispaniyaga qarshi o‘yindan oldingi fikrlari bilan o‘rtoqlashdi. Nemislar ispanlarni 2014-yildan beri, 1988-yildan esa rasmiy o‘yinlarda mag‘lub bo‘la olmayapti.
"Ispaniya hozirgacha Yevrodagi eng ta’sirchan jamoa bo‘ldi, deb aytgan bo‘lardim. Ular shu paytgacha o‘tkazgan barcha uchrashuvlarida bemalol g‘alaba qozonishdi - bu har ikki jamoa uchun ham qiyin o‘yin bo‘ladi. Bu barcha neytral muxlislar intiqlik bilan kutayotgan yaxshi o‘yin bo‘ladi. Oson o‘yinlar yo‘q, lekin turnirda g‘alaba qozonishni istasangiz, Ispaniyani mag‘lub etishingiz kerak. Ushbu yuqori darajadagi o‘yinlar siz kutayotgan o‘yinlardir. Ularning qanotlarida ikkita yaxshi futbolchi bor. Biz jamoa bo‘lib ular bilan kurashish yo‘llarini topishimiz kerak va ishonchim komilki, shaxsiy janglar ham ko‘p bo‘ladi.
Biz nihoyat Ispaniyani turnirda mag‘lub etmoqchimiz. Maqsadimiz faqat keyingi bosqichga chiqish. Biz o‘z tariximizni yozmoqchimiz", - dedi Kimmix Germaniya futbol assosiasiyasi matbuot xizmatiga.
