Германия терма жамоаси футболчиси Йозуа Киммих Евро-2024 чорак финалида Испанияга қарши ўйиндан олдинги фикрлари билан ўртоқлашди. Немислар испанларни 2014-йилдан бери, 1988-йилдан эса расмий ўйинларда мағлуб бўла олмаяпти.

"Испания ҳозиргача Евродаги энг таъсирчан жамоа бўлди, деб айтган бўлардим. Улар шу пайтгача ўтказган барча учрашувларида бемалол ғалаба қозонишди - бу ҳар икки жамоа учун ҳам қийин ўйин бўлади. Бу барча нейтрал мухлислар интиқлик билан кутаётган яхши ўйин бўлади. Осон ўйинлар йўқ, лекин турнирда ғалаба қозонишни истасангиз, Испанияни мағлуб этишингиз керак. Ушбу юқори даражадаги ўйинлар сиз кутаётган ўйинлардир. Уларнинг қанотларида иккита яхши футболчи бор. Биз жамоа бўлиб улар билан курашиш йўлларини топишимиз керак ва ишончим комилки, шахсий жанглар ҳам кўп бўлади.

Биз ниҳоят Испанияни турнирда мағлуб этмоқчимиз. Мақсадимиз фақат кейинги босқичга чиқиш. Биз ўз тарихимизни ёзмоқчимиз", - деди Киммих Германия футбол ассоциацияси матбуот хизматига.