Avstriya terma jamoasi bosh murabbiyi Ralf Rangnik Turkiya bilan 2024 yilgi Yevropa chempionati 1/8 final uchrashuvi oldidan Avstriya terma jamoasidan kutilgan dastlabki taxminlar haqida gapirdi.
"Avstriya hech qachon erishmagan narsaga erishib, chorak finalga chiqish ko‘p narsani anglatadi. Eng qiyin kvartetda birinchi o‘rinni egallash u yoqda tursin, guruhimizdan chiqishimizni kam odam kutgandi. 1/8 finalga chiqqanimiz ham bejiz emas. Hozir biz sakkiz yil ishlagan va ko‘plab futbolchilarim o‘ynagan yoki o‘ynashda davom etadigan Leypsigdamiz. Biz juda xursandmiz va umid qilamizki, bu yerda avstriyalik muxlislar bilan bir qatorda "Leypsig" muxlislari ham bo‘ladi.
Hamma juda xotirjam, lagerda hech kim biz allaqachon biror narsaga erishdik deb o‘ylamaydi. Yevro biz uchun haqiqatan ham boshlanmoqda. Noldan boshlash muhim, chunki hozir biz nokaut rejimidamiz. Biz bu rejimda yashashimiz va birinchi daqiqalardanoq undan zavq olishimiz kerak", - deya Rangnikning so‘zlarini keltiradi UEFA matbuot xizmati.
