"Napoli" "Torino" markaziy himoyachisi Alessandro Buondjornoni o‘z safiga qo‘shib olish uchun yangi taklif tayyorlamoqda, deya xabar beradi Fabrisio Romano.
Klublar o‘rtasida to‘g‘ridan-to‘g‘ri aloqalar shu hafta bo‘lib o‘tadi, neapolliklar muzokaralarda oldinga siljishga va kelishuvni yopishga harakat qilmoqda.
Yangi taklifning umumiy qiymati 35 million yevro atrofida bo‘lishi kutilmoqda.
Yevro-2024 boshlanishidan oldin neapolliklar Italiya terma jamoasi o‘yinchisiga 30 million yevro + 5 million bonus va/yoki o‘yinchi taklif qilishayotgani haqida mish-mishlar tarqalgan edi, biroq "buqalar"ning talabi kamida 45 million edi.
O‘tgan mavsumda 25 yoshli futbolchi 31 o‘yinda 3 ta gol urgan. U Yevropa chempionatiga chaqirilgan, biroq biror marta ham o‘ynamagan.
