"Наполи" "Торино" марказий ҳимоячиси Алессандро Буонджорнони ўз сафига қўшиб олиш учун янги таклиф тайёрламоқда, дея хабар беради Фабрицио Романо.
Клублар ўртасида тўғридан-тўғри алоқалар шу ҳафта бўлиб ўтади, неаполликлар музокараларда олдинга силжишга ва келишувни ёпишга ҳаракат қилмоқда.
Янги таклифнинг умумий қиймати 35 миллион евро атрофида бўлиши кутилмоқда.
Евро-2024 бошланишидан олдин неаполликлар Италия терма жамоаси ўйинчисига 30 миллион евро + 5 миллион бонус ва/ёки ўйинчи таклиф қилишаётгани ҳақида миш-мишлар тарқалган эди, бироқ "буқалар"нинг талаби камида 45 миллион эди.
Ўтган мавсумда 25 ёшли футболчи 31 ўйинда 3 та гол урган. У Европа чемпионатига чақирилган, бироқ бирор марта ҳам ўйнамаган.
