«Inter» 18 yoshli yarim himoyachi Aleksandr Stankovichni sotib olish opsiyasi bilan Shveytsariyaning «Lyusern» klubiga ijaraga berdi.

Aleksandr hozirda Moskvaning «Spartak» klubi bosh murabbiyi bo‘lgan Deyan Stankovichning o‘g‘li.

2004–2013 yillarda «Inter» bilan Deyan Stankovich besh marta Italiya chempionligini qo‘lga kiritgan, bir martadan Chempionlar ligasi va klublar o‘rtasidagi jahon chempionatida g‘olib chiqqan, shuningdek, to‘rt marta mamlakat kubogi va Superkubokni qo‘lga kiritgan.

Stankovichning o‘g‘li «Inter» tarbiyalanuvchisi, ammo asosiy tarkibda hali birorta ham o‘yin o‘tkazmagan. O‘tgan mavsumda yarim himoyachi yoshlar jamoasi safida 36 ta o‘yinda maydonga tushib, 7 ta gol va 3 ta golli uzatmani amalga oshirgan.