«Интер» 18 ёшли ярим ҳимоячи Александр Станковични сотиб олиш опцияси билан Швейтсариянинг «Люцерн» клубига ижарага берди.
Александр ҳозирда Москванинг «Спартак» клуби бош мураббийи бўлган Деян Станковичнинг ўғли.
2004–2013 йилларда «Интер» билан Деян Станкович беш марта Италия чемпионлигини қўлга киритган, бир мартадан Чемпионлар лигаси ва клублар ўртасидаги жаҳон чемпионатида ғолиб чиққан, шунингдек, тўрт марта мамлакат кубоги ва Суперкубокни қўлга киритган.
Станковичнинг ўғли «Интер» тарбияланувчиси, аммо асосий таркибда ҳали бирорта ҳам ўйин ўтказмаган. Ўтган мавсумда ярим ҳимоячи ёшлар жамоаси сафида 36 та ўйинда майдонга тушиб, 7 та гол ва 3 та голли узатмани амалга оширган.
