Italiya terma jamoasi va “Bolonya” klubining markaziy himoyachisi Rikkardo Kalafyori Londonning “Arsenal” klubiga o‘tishi mumkin.
Oxirgi xabarlardan ma’lum bo‘lishicha, 22 yoshli futbolchi uchun kurashda aynan "kanonirlar" yetakchilik qilmoqda.
GIFN ma’lumotlariga ko‘ra, "Arsenal" Kalafyori uchun yiliga 4 million yevro to‘lashga tayyor. London giganti shartnomani imkon qadar tezroq yakunlamoqchi.
"Bolonya" o‘z yulduzini qo‘yib yuborishga shoshilmayapti. Klub umidli markaz himoyachisi uchun yangi foydali shartnoma tayyorlamoqda, shuningdek, potensial xaridorlardan uning uchun katta miqdordagi pul - taxminan 50 million yevro so‘ramoqda.
