Италия терма жамоаси ва “Болонья” клубининг марказий ҳимоячиси Риккардо Калафьори Лондоннинг “Арсенал” клубига ўтиши мумкин.
Охирги хабарлардан маълум бўлишича, 22 ёшли футболчи учун курашда айнан "канонирлар" етакчилик қилмоқда.
GIFN маълумотларига кўра, "Арсенал" Калафьори учун йилига 4 миллион евро тўлашга тайёр. Лондон гиганти шартномани имкон қадар тезроқ якунламоқчи.
"Болонья" ўз юлдузини қўйиб юборишга шошилмаяпти. Клуб умидли марказ ҳимоячиси учун янги фойдали шартнома тайёрламоқда, шунингдек, потенциал харидорлардан унинг учун катта миқдордаги пул - тахминан 50 миллион евро сўрамоқда.
