"Brentford" hujumchisi Ayven Touni Angliya terma jamoasi bosh murabbiyi Garet Sautgeytdan Yevro-2024 1/8 finalida Slovakiyaga qarshi o‘yinda o‘yinchi almashtirishni kech amalga oshirganidan g‘azablanganini tan oldi.

28 yoshli Ayven Touni Slovakiyaga qarshi o‘yinda qo‘shib berilgan vaqtning to‘rtinchi daqiqasida maydonga tushdi, chunki Angliya turnirni tark etish arafasida edi.

Touni Sautgeyt unga juda oz vaqt berganidan xafa bo‘ldi, biroq inglizlar Jud Bellingemning sa’y-harakatlari evaziga hisobni tenglashtirdi va o‘yinni qo‘shimcha bo‘limga yo‘l oldi. Angliya ikkinchi golni aynan Ayven Tounining pasidan keyin kiritdi.

Touni Sautgeyt uni xafa qilganini yashirmadi, biroq Ayvan bu g‘azabni yengishga kuch topa oldi va jamoa manfaati uchun o‘ynadi.

"Har bir o‘yinchi o‘yinda ishtirok etmayotganida o‘z g‘azabini saqlaydi. Ayniqsa, bir daqiqa qolganda maydonga tushirilganida.

Yaxshiyamki, hisobni tenglashtirishga muvaffaq bo‘ldik, keyin esa kayfiyatimdan qutulishga majbur bo‘ldim. Men shunday qildim va Xarri Keynning goliga uzatma berli.

Mening klubimda har doim his-tuyg‘ularimni nazorat qilishimni aytadigan odam bor va o‘sha paytda his-tuyg‘ularimni nazorat qilish vaqti keldi.

Jahlim chiqdi, lekin oldinda hali 30 daqiqa bor edi. Men bu salbiy kayfiyatdan xalos bo‘lishim va diqqatni jamlashim kerak edi", - deb Touni Sky Sports bilan suhbatda.