"Брентфорд" ҳужумчиси Айвен Тоуни Англия терма жамоаси бош мураббийи Гарет Саутгейтдан Евро-2024 1/8 финалида Словакияга қарши ўйинда ўйинчи алмаштиришни кеч амалга оширганидан ғазабланганини тан олди.
28 ёшли Айвен Тоуни Словакияга қарши ўйинда қўшиб берилган вақтнинг тўртинчи дақиқасида майдонга тушди, чунки Англия турнирни тарк этиш арафасида эди.
Тоуни Саутгейт унга жуда оз вақт берганидан хафа бўлди, бироқ инглизлар Жуд Беллингемнинг саъй-ҳаракатлари эвазига ҳисобни тенглаштирди ва ўйинни қўшимча бўлимга йўл олди. Англия иккинчи голни айнан Айвен Тоунининг пасидан кейин киритди.
Тоуни Саутгейт уни хафа қилганини яширмади, бироқ Айван бу ғазабни енгишга куч топа олди ва жамоа манфаати учун ўйнади.
"Ҳар бир ўйинчи ўйинда иштирок этмаётганида ўз ғазабини сақлайди. Айниқса, бир дақиқа қолганда майдонга туширилганида.
Яхшиямки, ҳисобни тенглаштиришга муваффақ бўлдик, кейин эса кайфиятимдан қутулишга мажбур бўлдим. Мен шундай қилдим ва Харри Кейннинг голига узатма берли.
Менинг клубимда ҳар доим ҳис-туйғуларимни назорат қилишимни айтадиган одам бор ва ўша пайтда ҳис-туйғуларимни назорат қилиш вақти келди.
Жаҳлим чиқди, лекин олдинда ҳали 30 дақиқа бор эди. Мен бу салбий кайфиятдан халос бўлишим ва диққатни жамлашим керак эди", - деб Тоуни Sky Sports билан суҳбатда.
