"Galatasaroy"ning hujumkor yarim himoyachisi Nikolo Dzanyolo "Atalanta"ga ijara asosida o‘tdi. Shartnoma majburiy bo‘lishi mumkin bo‘lgan sotib olish variantini o‘z ichiga oladi.
Turkiya klubi 25 yoshli futbolchini ijaraga berishdan 6,4 million yevro ishlab olishini, to‘liq transfer summasi, agar bu amalga oshsa, 15,5 million yevro bo‘lishini ma’lum qildi. Bundan tashqari, ikki million yevrogacha bo‘lgan bonus to‘lovi belgilangan.
Eslatib o‘tamiz, Dzanyolo o‘tgan mavsumni ijara asosida "Aston Villa"da o‘tkazgan. Birmingem klubi tarkibida italiyalik barcha turnirlarda 39 ta uchrashuvda qatnashib, uchta gol urgan.
