"Галатасарой"нинг ҳужумкор ярим ҳимоячиси Николо Дзаньоло "Аталанта"га ижара асосида ўтди. Шартнома мажбурий бўлиши мумкин бўлган сотиб олиш вариантини ўз ичига олади.
Туркия клуби 25 ёшли футболчини ижарага беришдан 6,4 миллион евро ишлаб олишини, тўлиқ трансфер суммаси, агар бу амалга ошса, 15,5 миллион евро бўлишини маълум қилди. Бундан ташқари, икки миллион еврогача бўлган бонус тўлови белгиланган.
Эслатиб ўтамиз, Дзаньоло ўтган мавсумни ижара асосида "Астон Вилла"да ўтказган. Бирмингем клуби таркибида италиялик барча турнирларда 39 та учрашувда қатнашиб, учта гол урган.